خلينا فى البنات

[رافت المصرى]

خليبنا فى البنات
و اللهفه و ف الحاجات
اللى تطرى القلوب
خليينا فى الحنين
و عيونا الدبلانين
و السهد و فى الغروب
خلينا ميتين
فى شفايف عطشانين
و عن حبك ما اتوب
خلينا فى البراح
لا هم و لا جراح,
الا جرح الحبيب
خلينا فى السليم
فى طريقنا المستقيم
خيالات دايبين يدوب
خلينا فى الواوات
بال بابا اوبحات
نملا كل الدروب
بالدمع و بالاهات
على الحب اللى مات
مش موت القلوب

خلينا فرافيش
قش و متحشى ريش
ما نعيش الضيقه (نوب)

خلينا مفخرات
لجميع كل الحاجات
الا الفجر الكذوب

[كفا الخضر]

اهلا بك اخي رافت المصري
تصلح قصيدتك كوصفة طبية لم أراد الشفاء من هموم الأمة وأوجاعها وما سببته له من أمراض الضغط والسكري
ولكنها مسكن ليس إلا
تقبل تحيتي وتقديري لك دائما

[وفاء أمين]

أخي الشاعر /رأفت المصري
خلينا في البنات
وهكذا ..
قررت ان تنبذ كل مايدور حولك
وتركزمشاعرك في القشور فقط
وفجر الخالق
عمره ماكان كذوب.. ياشاعر!!
علي الرغم من سلاسة القصيده الزجليه
بها عقبات في الوزن
حاول مراجعتها مره أخري
وتقبل مروري ومودتي

[عادل عبد القادر]

على قولك يا بن عمى
خللينا فى البنات
خللينا نعيش شويه
يخرب بيت اللى فات
قعدنا نقول و نهرى
و مشينا من سكات
فينا اللى راح ما جاشى
و التانى ارتاح و مات
دفنوه و رجعوا ياكلوا
و يفرقوا الحاجات
مساكين و الله يا احنا
يادوب يادوب فتات
فاهمين قال يعنى روحنا
راح نعمل معجزات

و عجبى
تحياتى لقلمك الممتع
و اعذر ارتجاليتى
محبتى

[رافت المصرى]

المشاركة الأصلية كتبت بواسطة كفا الخضر

اهلا بك اخي رافت المصري
تصلح قصيدتك كوصفة طبية لم أراد الشفاء من هموم الأمة وأوجاعها وما سببته له من أمراض الضغط والسكري
ولكنها مسكن ليس إلا
تقبل تحيتي وتقديري لك دائما

الاخت الاستاذه كفا الخضر
اولا كل شكرى لكرم متابعتكم و تفاعلكم الطيب
اما عن النص فانا ارى انه مسكن و ربما لو تعمقنا فيه وجدناه روشته لعلاح كل امراضنا و اخطرها حب البنات و اولهم دنيانا المتعايقه
تحياتى و احترامى اختى الكريمه

[رافت المصرى]

أخي الشاعر /رأفت المصري
خلينا في البنات
وهكذا ..
قررت ان تنبذ كل مايدور حولك
وتركزمشاعرك في القشور


لو راجعت النص بدون مشاعر الانثى سترين انها ليست قشور مع احترامى الكامل لايك طبعا كاخت و شاعره وفجر الخالق
عمره ماكان كذوب.. ياشاعر!!

بالتاكيد و لكن فىس ياق السخريه لابد ان تعكس الصوره لتكون لاذعه
علي الرغم من سلاسة القصيده الزجليه
بها عقبات في الوزن
بحثت عنها فلم اجدها اكون شاكرا لو دللتنى عليها
حاول مراجعتها مره أخري
وتقبل مروري ومودتي
كل تحياتى و مودتى اختى الكريمه رغم اختلاف الراى

[رافت المصرى]

المشاركة الأصلية كتبت بواسطة عادل عبد القادر

على قولك يا بن عمى
خللينا فى البنات
خللينا نعيش شويه
يخرب بيت اللى فات
قعدنا نقول و نهرى
و مشينا من سكات
فينا اللى راح ما جاشى
و التانى ارتاح و مات
دفنوه و رجعوا ياكلوا
و يفرقوا الحاجات
مساكين و الله يا احنا
يادوب يادوب فتات
فاهمين قال يعنى روحنا
راح نعمل معجزات

و عجبى
تحياتى لقلمك الممتع
و اعذر ارتجاليتى
محبتى

الاخ الاستاذ عادل عبدالقادر
اولا اهلا بتشريفك لصفحتى المتواضعه اخا اعتز به
ثانيا شكرى و تقديرى العميق لتفاعلكم بهذه المشاركة الراقيه الجميله و مروركم الطيب و اسمح لى ان احييك على هذه الارتجالية القيمه
تقدير و احترام و محبه اخى الكريم