يا ما احتفلنا في بورسعيد

[مسعدالنحلة]

ياما احتفلنا في بورسعيد

ـــــــــــــــــــــــــــــــــــــــ

يامـــا احتفلنــــا في بورسعيــــد

بمناسبـــة النصـــر المجيــــــــد

في يـــوم مُـــحدَّد من كل عـــام

أصبح لمصــر وليهــــا عيــــــد

ـــــــــــــــــ

عدوان ثلاثــــي كان ضدهــــــا

هدِّد شرفهـــا فوق أرضهــــــــا

لاكِنـَّهـــا قِـــــــدِرت عليـــــــه

خلـِّـت جيوشــُه تتوه عندهــــا

ـــــــــــــــــ

دا شعب عاشق أرض الوطـن

وعشانـه واجـه كل المِحَــــــن

وياما ساب بيتـُه ورَحَــــــــــل

وف طاجِن الهَجْــــره اتعَجَــن

ـــــــــــــــــ

واستقبـِلـُـــه باقـــــــي المُـــدُن

وادُّولـُـــه في بيوتهـُـــم سكـَـن

ما كانوش بيعتبروه غريــــب

لاكِنـُّه عضـــو من البَـــــــدَن

ـــــــــــــــــ

إزاى يكون هـــذا البطــــــــل

في ماتش كوره قــام قـَتـَـــــل

ليـه النهارده يعــــود هابيــل

من تاني يرجََع يتقـَـتـَــــــــل

ـــــــــــــــــ

واللي انقـَتـَل دول يبقوا مين

يبقوم ضيوف مش مُجرميـن

أو ناس برابره أو غـُــــــزاه

من دوله تانيــــــه ومُعتديـن

ــــــــــــــــ

والمجزره اللــــي ف بورسعيد

مِتخططه من ناس أكيـــــــــــد

دفـَعِت فلوس للمأجوريـــــــن

علشان يموت سبعـيــن شهيــد

ـــــــــــــــــ

ويهـِـــدُّوا ثــــورة شعبنــــــــا

ويرَبُّـــوا فـــار في عِبِّنـــــــــا

واللي بْريموت بيلـَعِّبــُــــــوه

علشان تمللـــي يخـُضـِّنـــــــا

ــــــــــــــــ

سيناريـــو يامــا نفـِّــــــــذوه

وف كل مرَّه بينجـِــــــــــزوه

ماسبيرو شاهِد والميـــــــدان

مهما المنافقيــــن كذ ِّبــــــوه

ــــــــــــــــ

إلبورسعيــــــدي موش غبــي

لاكِن زكــي وراجـِـــل أبــــي

ومن المُحال في ماتش كوره

يقوم عشـــــان يقـْتِــل صبي

ـــــــــــــــــ

وان كنا عاوزين الحقيقــــــه

أمريكـــا فيها ومُش بريئــــه

وعُمر عفيفي ف قلب دارها

بيبث في خططه المُسيئــــه

ــــــــــــــــــ

وياريت يكون فينـــا الأشاوس

تكشِف لنا حريَّـــه هـــــاوس

ومين تبعهُـــم داخل بلدنــــا

ومين مِنـَفـِّذ كل الكـــــوارث

ـــــــــــــــــ

يا مصري إلحَق إنقـذ بلادك

م اللي ابتـــدا يهـَـــدِّد ولادك

إطلعلــُه وامسكلــُه العَصَايه

واجهُه وقوم إعلِن جهــادك

ــــــــــــــــ

دي مصر ماشيه ف سكه ضلمَه

إفرض إرادتك قولها كلمـــــــــه

دا الشعب كلـُه لو علا َّ صـُوتـُـه

مصر الجريحه رح تبقـَى سالمه

ـــــــــــــــــ

ويوميها نرقـُص ع السِمسميـــه

ونغني غنوه للبمبوطيـــــــــــه

ونحُط صورة حُسني ف أليمبي

ونقِيدُه نار ومالوهشي دِيَّــــــــه

ــــــــــــــــ

************

[منى الغريب]

الأخ الفاضل / مسعد نحلة
ياما احتفلنا ف بورسعيد
وكلنا نستنكف ماحدث في بورسعيد الأبية
وكلنا يعلم علم اليقين بوضوح صورة هذا المخطط الحزين
الذي راح ضحيته اكثر من سبعين شهيدا
و أعتقد اننا مازلنا شعبا لا يتعلم من أخطاء الماضي
ومازل حُسن الظن والطيبة هي الغالب الأعم لقلوبنا
قرأت نصك الزجل وأعجبني رغم مابه من (بعض الهنات
وندره صوره الجماليه) لكنه رسالة وصرخة للناس
تحيتي وتقديري
منى الغريب

[مسعدالنحلة]

المشاركة الأصلية كتبت بواسطة منى الغريب

الأخ الفاضل / مسعد نحلة
ياما احتفلنا ف بورسعيد
وكلنا نستنكف ماحدث في بورسعيد الأبية
وكلنا يعلم علم اليقين بوضوح صورة هذا المخطط الحزين
الذي راح ضحيته اكثر من سبعين شهيدا
و أعتقد اننا مازلنا شعبا لا يتعلم من أخطاء الماضي
ومازل حُسن الظن والطيبة هي الغالب الأعم لقلوبنا
قرأت نصك الزجل وأعجبني رغم مابه من (بعض الهنات
وندره صوره الجماليه) لكنه رسالة وصرخة للناس
تحيتي وتقديري
منى الغريب

شكرا اختي الفاضلة منى على المرور الكريم والتعقيب
مع خالص التحية