حصة تاريخ

[أحمد أبو الشيخ أحمد]

تم تقسيم السودان و البقية تأتى

و فى حصص التاريخ درست
أنى مصرى و سودانى ..
و من بلاد لحباش
أنى خليجى و عراقى ..
و من بلاد الشام
أنى ليبى و مورتانى ..
و من بلاد أطلس
لكن أنا عايز حقيقى أقول
عايز أقول عربى عليا و أنت زيى تقول
كفاية فرقة و شتات
عايز أمشى فى بلادى
بلاد رب العباد
لا تقولى جواز سفر و لا كفيلك هات
ياهل السيادة و ع الكراسى قعدين
ترضولنا ليه الفتات
متقولوا مين اللى حط الحدود دا مين
و إن كان حقيقى مات
كان أصله عربى زينا ول غربيين
او بلاد اشتات
و الصفقة دى يا ترا كان فيها بنى أدمين
ألا دوى ألا ترى و الجرس تيت تات
شربوا هما الحليب و شربنا احنا الطين
و كام منا بات شحات
غلب حمارنا و غلبنا و لسة مش فهمين
و الأطر عدا و فات
و كمننا عارفين
ان سبقونا فى قولنا
كتير و كتير
لكنها مسئلة غويطة
زى البير
مكتوب عليها يفطة
ممنوع لها تقرب
ممنوع لها التصوير

[سمر محمد عيد]

يمكن الاستعمار أيام ماكان محتل بلادنا ،أرحم علينا من ظلمنا على نفسنا..
وكل يوم بنتشتت ونتفرّق أكتر،والجاي أعظم والله أعلم

شكراً اخي على الطرح الممزوج بمعاناة كل عربي بيحب أبناء وطنه الكبير..