بحبك يا صاحبي

[سيد يوسف مرسي]

بحبك يا صاحبي برغم الظروف
وأعشق خيالك برغم الصروف
وأخشى ظنونك تقولك حكاوي
ما انسى ودادك وأخشى الكسوف
أنادي بقلبي وبدي تيجيني
وتاخد بخاطري وطيفك يطوف
وقلبي يعاتب ويدق في طبوله
وأسافر وٱجي وغرامي في خوف
كأنك يا صاحبي رضيت بفراقي
وكرهت غرامي وكرهت تشوف
ورحت بعيد ما أعرف مكانك
ولا أعرف طريقك كأنك تعوف
أحبك بصدق وحسي في فؤادي
يقولي شعوري ومازلت عطوف
كان عندي أماني قبل رحيلك
نهج لحياتي وحياتك بدي تشوف
مازلت في خيالي تنام في سريرك
وأنت يا صاحبي ما عدت رؤوف
يا ريتنا نعود لماضي زمنا
ويعود الوئام وننسى الظروف
حياتي بدونك باتت كئيبة
ولما حشوفك حتروح الصروف
بقلمي سيد يوسف مرسي