القُطْ

[د. حورية البدري]

القُطْ

القُطْ كان مشْ قُطْ عادي أو سيامي
كان جَبانْ
عايِشْ على أَكْل الجيران
مِنْ بَعْد أَكْلُه للفيرانْ
أَصبَحْ بِياكُلْ لَحمْ مَشوِي أو شاوِرْمَه
مِشْ مِنْ مَوائِدْ خَيِّرين في رَمَضانْ
لَكِنْ بِخَطْفُه مِنْ فُلانْ أو مِنْ فُلان
سارِقْ نهارنا فى أَوِّلُه
وف آخْرُه سارِقْ مِنِّنا الشَمْعْدانْ
...
القُطْ مشْ إنسان
وطَبْعُه زَي ما عِرِفُه البَشَرْ ؛ خَوَّانْ
...
القُطْ عاوز يِسْتِلِب مِنَّا الأمان
يِتْمَنَّى يِمْحي مِنْ وِداننا صوت أدان الفجر
الله أَكْبَرْ مَهما مَدْ القُطْ ناب
الله أَكْبَرْ / الحياه بِيها فى أمان / مِشْ في استلاب
وبْرَغم غَدْر القُطْ ؛ قادِرْ رَبِّنا يِمْحي مخالبُه من الوجود
والفَرْحَه للدُنيا تعودْ
يا مَنْ بِفَضْلُه بِالنهارْ مِنْ بَعْد كُل ضلام يِجود

[عيسى عدوي]

	لما الكرار يتساب مفتوح على الجنبين يبقى القطط تحتار تشرب حليبها منين والقط مش مسكين ...وعياله مش خايبين واقفين ع باب البيت عينهم على السكان شايفين صنوف الخير واللوز بيتقشر والعيش بيتحمر ...والمنجه ...والسكر يبقوا بصحيح مجانين لو كانوا برى الباب وسابوه يتسكر لازم يخشوا البييت ويعيشو وسط الناس حتى بدون إحساس والصحبة موجوده ...تمشي ورا الفتافيت وتسمن الكتاكيت ..وتنضف الساحة حتى زعيمة القطط اللي عليها العين تمرح في وسط البيت ... راضية ومرتاحة

[عــوض الــدريــبــي]

دكتوره حورية البدري
أقف هنا إكباراً لهذا الإبداع الراقي ، وأسجل حضوري وإعجابي ..
ودمــــــتِ بـخــــــيـر
أخــوك
عــوض الــدريــبــي

[عبد الهادي السايح]

لَيَحزَنْ القَلبْ تَدمَعْ العِينْ
يهتمّ الخاطَرْ
مَكتُوبْ عْلِينا هذا الشْقا مَكتُوبْ
ُدنْيانا مَحْبوسَة في يَد الزاجَرْ
كُلّْ شِي فِيها يَمْشي بالمقلوبْ
الزاجَرْ فارْ خَوّافْ و مَاكَر
ماكرْ غِيرْ عْلِينا وغير فِينا اللي مَرهوبْ
جارُه القّطْ خَدّاعْ ونَاكرْ
مُتسَلطنْ عْلِيهْ يَلْعَبْ بِيهْ لْعُوبْ
كِيما القطْ كيما الفار غَادرْ مْعَ غَادرْ
و احنا بِينْهم ضايعينْ هذا صاحبْ هذا مَصحوبْ

[د. حورية البدري]

وبتقَدَّرنا صُحبتنا

نكون قادرين

على مواجهة قطط وكلاب وبني آدمين مِنْ الفاسدين

ورب الكون يقَوِّينا في معاركنا مع الغادرين

***

دمتم بكل خير

أخي الفاضل عيسى عدوي

أخي الفاضل عوض الدريبي

أخي الفاضل سايح عبد الهادي

ومعذرة لتأخري بسبب تعطل الكميوتر عندي

تحية

ولقاء طيب بكم دائماً بإذن الل

[د. حورية البدري]

اللي الإله وَيَّاه
مَهما القُطط تِبغي
عايش بحب الله
في أمان برغم الضيم

والغيم مسيرُه يزول
والقُط - مهما يطول عُمْرُه -
راحِل بإذن الله
راحِلْ وشَرُّه معاه