عيار و فلت للشاعرمحمدأسامةالبهائي

[الشاعرمحمدأسامةالبهائي]

عيار و فلت
******

عيار و فلت
وناس اتعمت
والزيف الزيف
عرق الصيف
طالع طافح فوق الجلد
ومش هاتغير شئ بالعند
رضعت رضعت كل الولد
و نطقت ، حبت
نومه وقومه
ياشعوب نمت
كيف خلقك أنتمت
(*)


الخل يخاوى وزى الحاوى
عايز يلعب ع الونجين
لما تصاحبه يشرب دمك
مش مدارى وتحت العين
دميه تحرك وبألاعيبه
وشايف شايف نقصه وعيبه
زى اللون الفالصو رخيص
و لا بيليـقش فى أى قميص
ناقص نقص ، وع الخلق بهت
عيار و فلت
وناس اتعمت
(**)


المساحيق فى الهدمه تنضف
ربى ساترها ، قدر ، لطف
رزق غلابه وبيتخطف
والميزانيه جالها صداع
تعيا وتمرض حقك ضاع
تركب راسك فيه أوضاع
شدة ودن ، وقطع صباع
مين هايرد العمر ان ضاع
صحه وولت ضايعه انتهت
عيار و فلت
وناس اتعمت
(***)


حب القلب الخالى يجوز
تحت العصمه مش هايجوز
تبقى شايفها صبيه بداره
وتشبط فيها وأنت عجوز
مش هايوافقك غير ديوس
واللى بيخطف حرمة جووز
عابث ، يعنى : قول أراجوز
ناقص نقص وع الخلق بهت
عيار و فلت
وناس اتعمت
(****)


الناس فى الشارع مش جلاليب
لما تشعلل نارها لهيب
حتى النمله بقى لها دبيب
والناس متحاصره بالمحاسيب
واللى بيمسك مش هايسيب
غيط الشهد أتسرق ، ياغريب
والقمحه كالها الديب ، وعجيب
الجرح المؤلم كيف يتلم
والألم ان طوول بعده رهيب
وأنت نازل فعصك بالمحاسيب
مش لاقى لوصلك سبب ياأبت
ناقص نقص وع الخلق بهت
عيار و فلت
وناس اتعمت
والزيف الزيف
عرق الصيف
طالع طافح فوق الجلد
ومش هاتغير شئ بالعند
رضعت رضعت كل الولد
و نطقت ، حبت
نومه وقومه
ياشعوب نمت
كيف خلقك أنتمت
***************

بالعامية المصرية
الشاعر
محمدأسامةالبهائي

[عيسى عدوي]

أخي محمد اسامه ...شكرا لك على هذه المجموعة من القصائد الجميلة ....فكل مقطوعة منها تصلح ان تكون قصيدة منفصلة ...دام إبداعك ..ومرحبا بك

[إياد حياتله]

جميلة ورائعة أخي محمد
لطالما تعجبت من قدرة إخواننا المصريين على تحويل الكلام العادي إلى قصائد وأغنيات
أحسنت والله

[محمد الرويضي]

حلوة \ جميلة ومحسوسة
ياولاد مصر المحروسة
باحترام محمد عيسى الرويضي